Трамп ва Зеленский Ватиканда учрашди

Нью-Жерсидан учиб кетаётган АҚШ президентидан Ватиканда Рим папаси Френциснинг дафн маросимида Владимир Зеленский билан бўлиб ўтган қисқа учрашуви қандай ўтгани ҳақида сўрашди.

Трамп бунга жавобан "Учрашув яхши ўтди", деди. Зеленский Қрим устидан назоратдан воз кечишга тайёрми, деган саволга Трамп: “Мен шундай деб ўйлайман”, деб жавоб берди.

Трамп, шунингдек, Россиянинг Украинага берган ракета зарбаларидан ҳафсаласи пир бўлганини айтган ва Владимир Путинга ишонасизми, деган саволга у: “Икки ҳафта ичида билиб оламиз”, деб жавоб берган.

Шунингдек, Трамп учрашувда Владимир Зеленский қўшимча қурол сўраганини маълум қилди.
Унинг сўзларига кўра, Зеленский суҳбат давомида ўзини аввалгидан кўра хотиржамроқ тутган.