Туғилган кун: Ўзбекистон Республикаси Давлат статистика қўмитаси раиси Баҳодир Бегалов 1968 йил 17 январда Тошкент вилояти Бекобод шаҳрида туғилган
Баҳодир Бегалов 1992 йил Москва иқтисод-статистика институтини тугатган. 1996 йилларда шу институтнинг аспирантурасини тамомлаб, номзодлик диссертациясини муваффақиятли ҳимоя қилган.
Иқтисод фанлари доктори, профессор Баҳодир Бегалов Таълимни ахборотлаштириш ва Халқаро ахборотлаштириш академияларининг ҳақиқий аъзоси саналади.
Баҳодир Бегалов меҳнат фаолияти давомида қатор масъул лавозимларда ишлаб келмоқда. Хусусан, Тошкент давлат иқтисодиёт университети кафедра мудири, профессори бўлган. У 2017 йил 23 майда Ўзбекистон Республикаси Давлат статистика қўмитаси раиси лавозимига тасдиқлангунга қадар Тошкент молия институти ректори вазифасида ишлаган.
