Уч ойлик болани 5 минг долларга сотмоқчи бўлган аёл ушланди

Тошкент шаҳар ИИББга фуқаро мурожаат қилиб, пойтахтда истиқомат қилувчи 21 ёшли Н.Ф. ўзининг 3 ойлик боласини 5 минг AҚШ долларига сотаётганини билдирган.

Тошкент шаҳар ИИББ хабарига кўра, тезкор ходимлар прокуратура вакиллари билан биргаликда тезкор тадбирлар ишлаб чиқиб, уларни амалга оширди.

Натижада, Н.Ф. ва у билан бирга яшовчи, 24 ёшли A.З. чақалоқ эвазига пул олаётганида ушланди.

Тўпланган материаллар қонуний чора кўрилиши учун Юнусобод тумани прокуратурасига топширилган.