Uch oylik bolani 5 ming dollarga sotmoqchi bo‘lgan ayol ushlandi
Toshkent shahar IIBBga fuqaro murojaat qilib, poytaxtda istiqomat qiluvchi 21 yoshli N.F. o‘zining 3 oylik bolasini 5 ming AQSh dollariga sotayotganini bildirgan.
Toshkent shahar IIBB xabariga ko‘ra, tezkor xodimlar prokuratura vakillari bilan birgalikda tezkor tadbirlar ishlab chiqib, ularni amalga oshirdi.
Natijada, N.F. va u bilan birga yashovchi, 24 yoshli A.Z. chaqaloq evaziga pul olayotganida ushlandi.
To‘plangan materiallar qonuniy chora ko‘rilishi uchun Yunusobod tumani prokuraturasiga topshirilgan.
