Ургут туманида олтин қазиб олиниши мумкин

Вазирлар Маҳкамасининг 16 майдаги қарорида шу ҳақда сўз юритилган. Умуман, қарор билан тасдиқланган 2-чорак инвестиция дастури бир қатор умидли муждалар беради.

Хусусан, Нарпай туманида 2025 йилгача режалаштирилган қуввати 200 МВт бўлган газ поршенли электр станцияси қурилади.

Булунғурда Нуробод туманидаги фотоэлектрстанциясига тенг - 500 МВт бўлган шамол электр станцияси қурилиши режалаштирилган.

Дастурда Ургут туманидаги "Қизилтурук" олтин конини ўзлаштириш ҳам белгиланган. Бунинг учун 2025 йилгача геология-қидирув ишлари амалга оширилади.

Эслатиб ўтамиз, кон бир неча йил аввал онлайн аукцион натижасида 74,4 миллиард сўмга сотилган.