Ургутда "СЭС" ходимлари боди-камерасиз текширув ўтказмайди

Ургут тумани ҳокимлиги ташаббуси билан санитария-эпидемиологик осойишталик ва жамоат саломатлиги бўлими томонидан ҳудудларда ўтказиладиган санитария назорат тадбирлари жараёнларида шаффофликни таъминлаш ҳамда коррупция ҳолатларига барҳам бериш мақсадида, назорат тадбирларига чиқувчи гуруҳ раҳбарлари 8 дона боди-камералар билан таъминланди.

- Мазкур боди-камералар 128 Гб. хотирага эга бўлиб, ходимларнинг хизмат фаолиятини тўлиқ видеотасвирга олиш ҳамда уни бир вақтнинг ўзида тўғридан-тўғри марказга узатиш имкониятига эга, - дейди туман санитария-эпидемиологик осойишталик ва жамоат саломатлиги бўлими бошлиғи Д.Ҳамидов. - Шунингдек, ушбу боди-камераларга GPS-навигатор тизими ўрнатилган бўлиб, ходимнинг қаерда хизмат олиб бораётганлиги ҳақида маълумот олиш мумкин.

Самарқанд вилоятида илк бор Ургут туманида ушбу тажрибанинг жорий этилмоқда.