Волгоградда юз берган ЙТҲда 13 нафар ўзбекистонлик жароҳатланди
Волгоград областининг Городиш районида ичида Ўзбекистон фуқаролари бўлган “Газель” ағдарилиб кетган.
Маълум қилинишича, Москва вақти билан соат 07:15 да Моксва-Волгоград автомобиль йўлининг 923-километрида “Газель” русумли микроавтобус ҳайдовчиси бошқарувни йўқотган ва автоулов ариққа ағдарилган.
Салонда 14 нафар Ўзбекистон фуқаролари бўлган. Улардан 13 нафари турли даражадаги тан жароҳатини олган.
Россия ИИВ вилоят бошқармаси хабарига кўра, воқеа жойида йўл ҳаракати полицияси ва ҳудуд миграция бошқармаси раҳбарияти текширув олиб борилмоқда.
