Хориж воқеалари қисқа хабарларда: 2024 йилнинг энг яхши ва энг ёмон авиакомпаниялари. Туркия: туризмдаги "Ҳаммаси ичида" тизимини бекор қилмоқчи
🔹 Financial Times ҳукуматга “энг драматик қайтиши”ни таъкидлаган ҳолда Доналд Трампни “йил одами” деб топди. Аввалроқ Доналд Трамп Time журнали талқинига кўра "Йил одами"га айланган эди.
🔹 Қўшма Штатларда Трамп ва Байден ўртасидаги қарама-қаршилик кескинлашди. Сайланган президент ва бўлажак вице-президент Вэнс Конгрессдаги республикачилардан АҚШ бюджети узайтирилишига тўсқинлик қилишни талаб қилди, акс ҳолда ҳукумат Рождество байрамидан кейин ишини тўхтатиши мумкин.
🔹 АҚШ Давлат котиби лавозимини тарк этаётган Блинкен Россия Украинада "асосий талабларни" бажармас экан, уруш тўхтамаслигини айтди. Эслатиб ўтамиз, сайланган президент Трамп тезроқ ўт очишни тўхтатиш ва музокаралар ўтказишга чақирмоқда.
🔹 Украина учувчисиз самолёти Россия жанубидаги Ростов-Дон шаҳридан 100 километр узоқликда жойлашган энг йирик, Новошахтинский нефтни қайта ишлаш заводига ҳужум қилди.
🔹 Бразилия миллий валютаси долларга нисбатан энг паст даражага тушди, мамлакат марказий банки томонидан амалга оширилган сезиларли интервенсиялар бозорнинг давлат харажатлари билан боғлиқ хавотирларини яна йўқ қила олмади.
🔹Брюсселда Владимир Зеленский Франция президенти Эммануэль Макрон билан Парижнинг Украинада хорижий қўшинларни жойлаштириш ташаббусини муҳокама қилди.
🔹Қўшма Штатлар вақтинчалик федерал бюджет таклифи – жиноят, дейди америкалик мултимиллиардер Илон Маск. Тадбиркор лойиҳани бюджетнинг "энг катта арраси" ва жиноят деб атади. Унинг айтишича, бундай бюджетни қабул қилиш учун овоз берган ҳар қандай конгрессмен ёки сенатор лавозимидан четлатишга лойиқ.
🔹 АҚШ Молия вазирлиги Россиянинг энг йирик универсал банкларидан бири "Газпромбанк" билан фуқаролик атом энергетикаси соҳасида операцияларни амалга оширишга рухсат берди. Қайд этилишича, транзакциялар фақат 2024 йил ноябргача бошланган фуқаролик ядровий лойиҳаларини қўллаб-қувватлаш учун амалга оширилади.
🔹 Украина президенти Владимир Зеленский Le Parisien нашрига берган интервьюсида у яна комик бўлиб, “одамларни кулдириши” эҳтимолини айтди. Шу тариқа у келажакдаги фаолияти ҳақидаги саволга жавоб берди ва уни “жуда тўғри” деб ҳисоблади.
🔹 ҲАМАС ҳаракати Ғазо секторида сақланаётганларни Исроил қамоқхоналарида сақланаётган фаластинликларга алмаштириш бўйича мумкин бўлган келишувнинг биринчи босқичи доирасида 30 га яқин гаровга олинганларни Исроил томонига топширишга рози бўлди.
🔹 АҚШнинг нефть захиралари ҳафта давомида 0,9 миллион баррелга қисқарди.
🔹 AirHelp таҳлилчилари дунёнинг энг яхши авиакомпанияларининг янгиланган рейтингини тузишди. Рейтингни шикоят, қулайлик ва хизмат кўрсатиш даражаси ҳақидаги шарҳлари инобатга олинди. “ Brussels Airlines” бу йил биринчи ўринни эгаллаб келаётган Qatar Airways қувиб ўтиб ва дунёнинг энг яхши авиаташувчиси унвонига сазовор бўлди. Учинчи ва тўртинчи ўринларни United Airlines ва American Airlines эгаллади. Энг ёмон ишлаган авиаташувчилар қаторига Tunisair (Тунис), Buzz (Польша), Nouvelair (Тунис), Bulgaria Air (Болгария), El Al Israel Airlines (Израиль), Pegasus Airlines (Турция), IndiGo (Индия) и TAROM (Руминия) кирди.
🔹 Туркия барча инклюзив тизими, илиқ денгизи ва сифатли хизмати билан сайёҳларнинг севимли мақомига эга. Бироқ, мамлакат расмийлари сайёҳлар ва экспертларни хавотирга солаётган "ҳаммаси ичида" форматни қайта кўриб чиқмоқчи. Агар Туркия туризм хизматларига муносабатини ўзгартирса, сайёҳлар Миср, Куба, БАА ва Таиланд каби муқобил йўлларни излай бошлаши мумкин.
