Хориж воқеалари қисқа хабарларда: Трамп Украина ва Россияни музокаралар столига келтирмоқчи
🔹 Россия яқин кунларда Курск вилоятидаги Украина позицияларига қарши ҳужум бошлаш учун ўн минглаб одамлардан иборат куч, жумладан яқинда келган Шимолий Корея аскарларини тўплади.
🔹 Исроил раҳбарияти Доналд Трампнинг Яқин Шарқ бўйича қарорини сабрсизлик билан кутмоқда. У Жо Байденга қараганда Исроил Бош вазири Бенямин Нетаняҳунинг ишончли иттифоқчиси саналади. Трамп Байден қила олмаган ишни бажаришга ҳаракат қилиши - Нетаняҳудан Ғазо ва Ливандаги урушларни тугатишга мажбурлаши керак, шунда у Саудия Арабистони билан музокаралар столига ўтириши мумкин.
🔹Кубада электр энергияси ўчирилиши сабабли намойишга чиққанларга қарши жиноий иш очилди.
🔹 Украина ва Россия ўртасидаги зиддиятни зудлик билан ҳал қилиш ниятини маълум қилган Доналд Трамп президентлигининг биринчи ҳафтасидаёқ томонлар ўртасида музокаралар ташкил этишни режалаштирди. Трампнинг айтишича, муваффақиятли музокаралар қуролсиз ҳудудни яратиш ва Украинанинг нейтрал мақомини мустаҳкамлашга олиб келади.
🔹 Тайвань Вашингтонга мудофаасини кучайтиришга тайёрлигини намойиш этиш учун АҚШдан катта миқдорда қурол сотиб олмоқчи.
🔹 Қатар Исроил ва ҲАМАС ўртасидаги воситачилик тугатилганини эълон қилди ва Исроилдан амирликдаги Фаластин гуруҳи етакчиларига ҳужум қилмаслик мажбуриятини олишни талаб қилди.
🔹 SpaceX ва Tesla компаниялари раҳбари Илон Маск АҚШнинг сайланган президенти Доналд Трамп маъмуриятида ўрин эгаллашни кўзламаган, чунки унинг республикачилар етакчисига таъсири аллақачон сезиларли ошган. Илон Маск ва Такер Карлсон Трампнинг янги маъмуриятида эҳтимолий номзодлар қаторида.
🔹 Россияда меҳнат мигрантлари учун уй-жой ижарасини чеклаш, фақат расмий шартнома асосида ва бир йилдан ортиқ бўлмаган муддатга ижарага бериш рухсат этилиши мумкин.
🔹 БМТнинг Болалар жамғармаси (ЮНИСЕФ) хабар беришича, можаро авж олгандан бери Ливанда 200 дан ортиқ бола ҳалок бўлган. 2023 йил октябрь ойидан буён мамлакат бўйлаб бомбардимон ва артиллерия зарбалари натижасида 3,1 мингдан ортиқ одам ҳалок бўлган, 14 мингдан ортиқ киши жароҳатланган.
🔹 Канадада парранда гриппи билан касалланган биринчи ҳолат қайд этилди. Парранда гриппи кўпинча ёввойи ва уй паррандалари, қушларга таъсир қилади. Аммо яқинда касаллик сутемизувчиларда ҳам аниқланди: 2024 йилда Қўшма Штатларда қорамоллар орасида касаллик авж олди.
🔹 Япония ҳукумати навбатдаги бош вазир сайлови олдидан истеъфога чиқди.
🔹 АҚШнинг сайланган президентининг ўғли кичик Доналд Трамп "Инстаграм"да Киев расмийларига молиявий ёрдам тез орада тўхтатилиши ҳақида сўз юритувчи видеони эълон қилди.
🔹 Уруш бошидан бери учувчисиз аппаратлар ёрдамида Москвага энг оммавий ҳужум амалга оширилди. 10 ноябрь куни Россия 32 та Украина дронлари Москва вилояти осмонида уриб туширилган.
