Хорижда 23 нафар Ўзбекистон фуқароси COVID-19 юқтириб олган. Улардан уч нафари вафот этган

Бугун АОКА ҳузурида ташкил этилган штабда Ўзбекистон Республикаси Ташқи ишлар вазирлиги ахборот хизмати раҳбари Авазбек Хаджиметов иштирокида брифинг бўлиб ўтди.
Брифингда Ташқи ишлар вазирлиги ахборот хизмати раҳбари чет эл давлатларида 23 нафар Ўзбекистон фуқароси COVID-19 юқтириб олганини маълум қилди:

Австрия (1),
Арманистон (1),
АҚШ (10),
БАА (1),
Корея Республикаси (1),
Покистон (5),
Россия (1),
Таиланд (1),
Қозоғистонда (2)
"Хорижда 23 нафар фуқароларимизда ушбу касаллик аниқланган. Улардан 3 нафари вафот этган”, деди у.
Дипломатик ваколатхоналаримиз ушбу фуқароларимиз ва уларнинг яқинлари билан доимий алоқада бўлиб турибди ва зарур консуллик-ҳуқуқий ёрдам кўрсатмоқда.