Хусусий авиакомпания Самарқанддан Истанбулга парвозларни йўлга қўйди
"Qanot Sharq" авиакомпанияси Самарқанд халқаро аэропортидан Истанбулга парвозларни амалга оширади.
Жорий йил 1 июнда “Qanot Sharq” хусусий авиакомпанияси Самарқанддан Туркиянинг энг йирик шаҳарларидан бири бўлган Истанбулга тўғридан-тўғри мунтазам қатновларни амалга ошира бошлайди.
Ушбу йўналишда рейслар ҳафтада уч марта сешанба, пайшанба ва шанба кунлари бажарилади. Самарқанддан учиш вақти маҳаллий вақт билан соат 7:00 га белгиланган. Чипталар олиш ҳамда қўшимча хизматлар Самарқанд халқаро аэропорти кассаларида расмийлаштирилади.
