АҚШ: Кучли қор бўрони туфайли минглаб рейслар қолдирилди
CNN хабарига кўра, АҚШнинг шарқий соҳилларида қор бўрони содир бўлгани сабабли кеча, 16 январь куни 3 мингга яқин рейс бекор қилинди.
Таъкидланишича, жабрланган ҳудудларда 74 миллионга яқин одам истиқомат қилади.
Мониторинг интернет-ресурси www.poweroutage.us маълумотларига кўра, АҚШда 200 мингга яқин истеъмолчи электрдан узилиб қолган. Маҳаллий ОАВ Флоридадан Канада чегарасигача чўзилган I-95 автомагистралининг айрим участкалари тўсиб қўйилгани ҳақида хабар бермоқда.
