АҚШ Қобулда ИШИД жангариларига қарата ракета ҳужуми уюштирди
Америка учувчисиз самолёт зарбасининг нишони Қобул аэропортида теракт уюштирмоқчи бўлган бир неча ИШИД жангарилари бўлган машина эди. Бу ҳақда таҳдид йўқ қилинганини маълум қилган АҚШ армияси хабар берди.
Машинада катта миқдордаги портловчи моддалар бўлган. Натижада зарбадан кейин давомли портлашлар бошланган.
Олдинроқ радикал «Толибон» вакиллари худди шундай зарба нишони ҳақида хабар берган эди.
Афғонистон оммавий ахборот воситалари хабарига кўра, ҳужум натижасида иккита машина портлатилган. Қисман вайрон бўлган турар-жой биносида бир оиланинг камида тўққиз аъзоси, жумладан олти бола ҳалок бўлди. Бу ҳақда Американинг CNN телеканалига ҳалок бўлганларнинг қариндоши айтган.
Ракета зарбаси мудофаа характерига эга. Департамент тинч аҳоли ўртасида қурбонлар ҳақидаги маълумотларни текширмоқда, дея таъкидлади Пентагон.
Июль ойининг охиридан буён АҚШ ҳукумати Афғонистондан 120 мингга яқин одамни эвакуациясини уюштирди. Вашингтон АҚШ фуқаролари ва Америкага ёрдам берган афғонлар 31 августдан кейин республикани хавфсиз тарк этишлари учун чоралар кўришни ваъда қилмоқда.
