АҚШнинг бир қатор йирик шаҳарларида афроамерикалик Флойднинг ўлими сабаб тартибсизликлар бошланди
Миннеаполисда полиция томонидан ҳибсга олингандан сўнг вафот этган афроамерикалик Жорж Флойд ўлими сабабли юзага келган тартибсизликлар АҚШнинг бир қатор йирик шаҳарларида ҳам бошланди. Бу ҳақда Ассошиэйтед Пресс нашри хабар бермоқда.
АҚШнинг Нью-Йорк, Атланта (Жоржия штати), Албукерке (Нью-Мексико штати), Фонтане, Сан Хосе (Калифорния штати) ва Хьюстон (Техас штати) шаҳарларида намойишчилар ва полиция ўртасида тўқнашувлар содир бўлмоқда.
Шу билан бирга, АҚШ пойтахти Вашингтонда ҳам норозилик тадбирлари бўлиб ўтаётганлиги сабабли Оқ уй қисқа муддатга ёпилгани ҳақида хабар берилмоқда.
