AQShning bir qator yirik shaharlarida afroamerikalik Floydning o‘limi sabab tartibsizliklar boshlandi
Minneapolisda politsiya tomonidan hibsga olingandan so‘ng vafot etgan afroamerikalik Jorj Floyd o‘limi sababli yuzaga kelgan tartibsizliklar AQShning bir qator yirik shaharlarida ham boshlandi. Bu haqda Assoshieyted Press nashri xabar bermoqda.
AQShning Nyu-York, Atlanta (Jorjiya shtati), Albukerke (Nyu-Meksiko shtati), Fontane, San Xose (Kaliforniya shtati) va Xyuston (Texas shtati) shaharlarida namoyishchilar va politsiya o‘rtasida to‘qnashuvlar sodir bo‘lmoqda.
Shu bilan birga, AQSh poytaxti Vashingtonda ham norozilik tadbirlari bo‘lib o‘tayotganligi sababli Oq uy qisqa muddatga yopilgani haqida xabar berilmoqda.
