"Аёллар дафтари"даги 4 мингдан зиёд хотин-қизларга 38 миллиард сўмдан кўпроқ кредит ажратилган

2023 йилда амалга оширилган бу амалиётда ишлаб чиқариш фаолиятини ривожлантиришда иштирок этган 422 нафар хотин-қизларга молиявий кўмак берилган (4 миллиард 263 миллион сўм).

Кейинги катта рақам тикувчилик йўналишида бўлган: 2284 кишига 14 миллиард 823 миллион сўм.

Маълумотлардан "Аёллар дафтари"даги 153 хотин-қизга нон маҳсулотлари учун 962 миллион сўм кредит ажратилганини ҳам кўриш мумкин.

Умуман, рўйхатга олинган хотин-қизларга 31 йўналишда кредит ажратилган. Бу иш Халқ, Агро ва Микрокредит банкида амалга оширилган.

Дарвоқе, косметология (2 нафар), зардўзлик (3 нафар), лимончилик (3 нафар), кимёвий тозалаш - уйда (3 нафар) ва кўрпа тикиш (4 нафар) йўналишларидаги молиявий ёрдамдан бошқаларга нисбатан камроқ фойдаланилган.