Бир қатор ҳокимларнинг биринчи ўринбосари ҳамда солиқ идоралари раҳбарлари фаолиятига баҳо берилади
![](https://static.zarnews.uz/crop/e/a/720__80_ea507b47b49f67b72829133c67714156.jpg?img=self&v=1721198717)
Йил бошидан 67 та туманда тушум 1,5 карра ошди. Масалан, Бахмал, Жалақудуқ, Фориш, Қўрғонтепа ва Гулистон туманларида ўсиш 2 баравар бўлган.
Лекин Нукус, Оқдарё, Қизириқ, Мингбулоқ, Мирзо Улуғбек, Қибрай, Тойлоқ туманлари, Наманган ва Зарафшон шаҳарларида ўсиш суръатлари қолган ҳудудлардан анча орқада экани, Шуманайда эса умуман ўсиш бўлмагани кўрсатиб ўтилди.
Мутасаддиларга солиқ тушумларида ўсиш паст бўлган ушбу ҳудудларга бориб, ажратилган кредит, субсидия, давлатдан берилган ресурслар самарасини таҳлил қилиш топширилди.
Таҳлил якунларига кўра ушбу ҳудудлар ҳокимининг биринчи ўринбосари ва солиқ раҳбарлари фаолиятига баҳо берилади.
Ушбу туманларда ҳамда ҳар бир вилоятда республикадан ёрдам олаётган энг оғир биттадан туманда тушумни 2 карра ошириш бўйича намуна яратиш вазифаси қўйилди.