Bojxonada paypoq ichida “Tramadol” o‘tkazmoqchi bo‘lgan fuqaro aniqlandi
Samarqand viloyati bojxona boshqarmasi “Jartepa” chegara bojxona posti orqali harakatlangan qo‘shni davlat fuqarosi F.J.ga tegishli qo‘l yuklar rentgen apparati yordamida ko‘zdan kechirilganda yuqoridagi holat aniqlangan.
Bu haqda zarnews`ga viloyat bojxona boshqarmasi xabar bermoqda.
Uskuna orqali yuklar ko‘zdan kechiirilganda fuqaro tomonidan paypoq ichiga yashirib olib o‘tilmoqchi bo‘lgan 60 dona “Tramadol – 50 mg” nomli tarkibida giyohvandlik vositasi bo‘lgan dori vositalari borligi aniqlangan.
Hozirda ushbu holat yuzasidan bojxona organlari tomonidan surishtiruv ishlari olib borilmoqda.
