Бозорлар ва савдо комплексларида кўрсатиладиган хизматлар учун тўловларнинг ҳолати мониторинг қилинади

“Вилоятдаги бозорлар ва савдо комплекслари маъмурияти томонидан ундириб олинадиган бир марталик йиғимлар, ижара тўловлари ва кўрсатиладиган хизматлар қиймати миқдорларини тасдиқлаш тўғрисида” Самарқанд вилояти ҳокимининг қарори эълон қилинди.

Унда бозорлар ва савдо комплекслари маъмурияти томонидан ундириб олинадиган бир марталик йиғимлар ва бошқа тўловлар миқдори белгиланган.

Шунингдек, қарорда бу бўйича тартиблар кўрсатилган, даромадларнинг белгиланган қисми маҳаллий бюджетга ўз вақтида ўтказилиши устидан қатъий назорат ўрнатилиши кўзда тутилган.

Йиғимлар, ижара ва тўловлар бўйича сотувчиларнинг тўлиқ маълумотга эга бўлишларига шароит яратилиши, маълумотлар барча савдо мажмуалари ва бозорларда кўринарли қилиб жойлаштирилиши белгиланган.