Бугун — Давлат хавфсизлик хизмати куни
2018 йилнинг 2 октябрида "Ўзбекистон Республикаси Давлат хавфсизлик хизмати куни"ни белгилаш тўғрисидаги Қонун Президент томонидан имзоланиб, ҳужжат 3 октябрдан эътиборан кучга кирган эди.
Ушбу қонунга мувофиқ, 5 апрель — Давлат хавфсизлик хизмати куни этиб белгиланган.
Шунингдек, Ўзбекистон Республикаси Президенти Шавкат Мирзиёев 2018 йилнинг 5 апрель куни «Ўзбекистон Республикаси Давлат хавфсизлик хизмати тўғрисида»ги қонунни имзолаган эди.
Давлат Хавфсизлик Хизмати бу – мамлакатимизнинг конституциявий тузумини, суверенитетини, ҳудудий яхлитлигини ҳамда бошқа кўплаб манфаатларини ташқи ва ички таҳдидлардан ҳимоя қилиш масалалари бўйича махсус ваколатли орган ҳисобланади.
