Буни кўриб қандай кулмаслик мумкин?
Бу тукли пахмоқ моделлар қандай қилиб суратга тушишни билади
Ҳар йили “Nikon Comedy Wildlife Awards” кўрик-танловига бутун дунёдан минглаб ёввойи ҳайвонларнинг кулгили фотосуратлари келади.2025 йилги танловга ариза топширганлар фотосуратларини томоша қилинг, биз уларнинг бир нечтасини танлаб олдик.
“Бир ҳаракат қилиб кўр-чи”, Бҳаргава Шривари
Кўплар “Арслонлар дарахтга чиқа олмайди, бу иш улар учун жуда қийин”, дейди. Бир тиниб-тинчимас шер боласи эса дарахтга чиқмоқчи бўлди. Айтиш керакки, у буни уддасидан чиқди. Акаси бор кучи билан унга ёрдам берса-да, лекин ўзи бу ишни такрорлашдан хавфсираяпти чоғи...
“Қўйсангизчи ойи-и-и”, Марк Мет-Кона
Танловдаги бошқа аризалардан фарқли ўлароқ, бусуратни кўрганингизда меҳрдан табассум қилгингиз келади. Она горилла чақалоғини эркалаётганини қаранг-а.
Кинг Конг ҳақидаги фильм чиққанидан кейингияратилган афсоналарга қарамай, гориллалар жуда меҳрибон ҳайвонлар бўлиб, улар ҳеч қачон одамларга ёки бошқа ҳайвонларга биринчи бўлиб ҳужум қилмайди. Шу билан бирга, улар боласигауч ёшга тўлгунга қадар ғамхўрлик қилиб, уларни қанот ости қилиб юришади. Ҳар бир онанинг дастурига ўпиш ва аллалаб ухлатиш киради.
“... сизни ҳеч ким кўрмаётгандек кулинг”, Эмма Паркер
Биз “Эркаланаётган балиқ” мэм ўрнини боса оладиган кадрни топдик. Фотосуратчи Эмма Паркернинг ўзи ҳам унинг суратдаги моделлари муҳаббат оғушида эмас, аксинча, кимнингдир устидан чин дилдан кулишаётганига амин.
- Бу икки ғийбатчи нима ҳақида гапиряпти экан?Гап нимадалигини билсам эди!”, - ёзади муаллиф.
“Сакраш бўйича навбатда ким охирги?”, Мартин Шмид
Тартиб интизом бўйича пингвинларга тенг келадигани йўқ, қатор охирида турганлар фақатгина ўз навбати келгунча сувга сакрашга журъат эта олмаслиги жуда эътиборли. Бу сураттўсатдан Антарктидадаги экспедиция кемасидан олинган.
- Пингвинлар денгизга сакраш учун тартибли навбатда турганга ўхшарди, - дейди фотосурат муаллифи Мартин.
«Бахтиёр буғу», Жереми Дювекот
Узоқ иш кунидан кейинги жума оқшоми шундай кўринишга эга. Ҳозир июль ойи - ёзнинг энг иссиқ палласи, ташқари жуда иссиқ, олдинда икки кунлик дам олиш кунлари... Фотосурат орқали гўё бу кийикнинг “Тезда уйга, аввал ҳаммомга, кейин ўтириб олиб сериал томоша қиламан, эртага эса тушликгача ухлайман”, деган фикрларини тушуниб олиш мумкин шекилли.
- Бу кийик югураётиб тўсатдан менинг йўлимдан чиқиб қолди. Уни суратга тушириш учун мендафақат битта имконият бор эди ва мен ундан фойдаландим, - ўртоқлашди фотограф.
«Командир», Рашель Макинтош
Кичкина калтакесак том маънода ўзи ҳукмронлик қила оладиган қурбонини топди. Юзидаги ифодага қараганда, қўлостидагиси унга умуман бўйсунишгақарши эмас.
- Лава калтакесаки Галапагос денгиз игуанасини бошқариб, саёҳатга жўнаяпти. Игуананинг кўзларига қараганда, митти калтакесак унинг руҳини ҳам забт этган бўлиши мумкин, - дея изоҳ қолдирган Рашель ўз сурати остида.
«IKEA- пикеанг керак эмас, бизда ҳаммаси табиий», Брайан Ҳемпстед
Гарчи уйингиз уя бўлса ҳам, бу сизнинг “ҳамма нарсани уйга ташиш” тамойили асосидаяшашингизга тўсқинлик қилмайди. Афтидан, яқинда турмуш қуриб, ота-она бўлишни ўйлаётган бу икки майна масалага ҳар томонлама ёндашаяпти. Тухум қўйишдан олдин улар барча қўшниларнинг ҳасадига улкан уя қуришди. Фотосуратчи Брайаннинг “ижод”ида таъмирлаш ишларининг тугаши акс эттирилган.
— Сурат 2024 йилнинг 30 октябрида Жанубий Африкадаги Кругер миллий боғида олинган. Оддиймайнанинг катта уя қуришига қаранг, — деб ёзадимуаллиф сурат тагхатига.
Хуш, қайси сурат сизга кўпроқ ёқди?
