Дунёда 1 сонияда қанча нарса содир бўлади?
Бир сония биз учун аҳамиятсиз вақт бирлиги бўлиб туюлади, шунинг учун уни эътиборсиз қолдирамиз. Масалан, фильмларда портлаш арафасида турган бомбанинг бир дақиқадан камроқ вақти қолганида, сониялар жуда керакли ва қимматли кўринади. Дунёмиз шунчалик катта ва хилма-хилки, ҳатто бир сония ичида ҳаётга бевосита таъсир кўрсатадиган кўплаб муҳим ва кенг кўламли воқеалар содир бўлиши табиий ҳол.
Танамизда миллионлаб кимёвий жараёнлар содир бўлади
Инсон ҳатто интернетда қизиқарли видео излаётганида, ҳар сонияда унинг танаси ҳаётни сақлаб қолиш учун бир неча миллион синтетик ва кимёвий реакцияларни амалга оширади. Бу жараёнлар метаболизм деб аталади.
Россияда 17 минг литр пиво истеъмол қилинади
Бу йилига 8 миллиард литрга тенг. Ва бу ҳали рекорд эмас: Чехия, Ирландия ва яна 15 га яқин бошқа мамлакатлар пиво истеъмоли бўйича Россияни ортда қолдиради.
Ҳашаротлар юз марталаб қанот қоқади
Асаларилар секундига 200 дан 440 мартагача, пашшалар 350 тагача, чивинлар эса 500 дан 1000 мартагача қанот уриб, қон сўрувчиларнинг одамни безовта қиладиган овозини юзага келтиради.
Тахминан 7,8 миллион куб/метр сув сарфланади
Ҳар бир киши йилига ўртача 500 куб/метр сув сарфлайди. Агар бу рақам ҳар бир Ер аҳолиси (8 миллиард)га кўпайтирилса ва сонияларга бўлиниб чиқилса, ҳар сонияда табиатдан тахминан 7,9 миллион/кубометр сув олиниши аниқланади.
Албатта сув истеъмоли нотекис тақсимланган. Масалан, Америка Қўшма Штатларининг жанубий бой штатларида Африкага қараганда бу бир неча баравар кўп.
Тахминан 4,5 киши туғилади ва 2 киши вафот этади
“Worldbirthsanddeaths” сервис хизмати бутун дунё бўйлаб ҳақиқатга яқин бўлган тахминий туғилиш ва ўлим статистикасини тақдим этди.
Ушбу маълумотларга кўра, ҳозирда ривожланган мамлакатлардаги туғилишнинг пасайиши туфайли кўплаб жойларда туғилишга қараганда ўлим даражаси ошиб кетганлиги қайд этилган.
Бу кўрсаткичлар бутун дунё бўйича ўртача қийматни ифодалаб беради. Аҳолининг ўсиши асосан ривожланаётган мамлакатлар ҳисобига тўғри келмоқда.
Дунё бўйлаб 41 тонна озиқ-овқат ташлаб юборилади
Баъзи мамлакатларда очлик муаммоси жуда кескин сезилиб турган бир пайтда, равнақ топган мамлакатларнинг чиқинди контейнерларида ҳар сонияда 40 тоннага яқин озиқ-овқат йўқ қилинади.
Аниқлик учун: ривожланган мамлакатлар аҳолиси кунига ўртача 1,5 килограмм озиқ-овқат истеъмол қилади. Камбағал мамлакатларда бу кўрсаткич анча паст. Ҳар сонияда ташланган озиқ-овқат 27 000 дан ортиқ одамни кунлик рацион билан таъминлаши мумкин эди.
“YouTube”да 45 минг видео томоша қилинади
Бу томошаларнинг аксарияти, болалар учун мўлжалланган “Туруру” акуласи ҳақидаги қўшиқ ва мультфильмлар ҳиссасига тўғри келса ажабмас...
Дунё бўйлаб 17 000 шиша Кока-Кола сотилади
Агар ярим литрли шишанинг нархини ўртача 0,62 долларга тенг деб ҳисобласак, ҳар сонияда Кока-Кола компанияси 11,5 минг долларгача даромад олиши мумкин экан.
Аэропортларда 40 га яқин самолётлар ҳавога кўтарилади
Ҳар сонияда 35 га яқин самолёт, кунига эса тахминан 12 000 йўловчи самолёти осмонга кўтарилади. Кичик самолётлар, юк ва ҳарбий самолётларни ҳисобга оладиган бўлсак, у ҳолда ҳар куни 50 мингга яқин самолёт ҳавода бўлади: улар жуда кўп одамлар ва юкларни ташиш билан бирга, атмосферага катта миқдордаги ёқилғини чиқариб ташлайди.
Океанларга тахминан 1,5 тонна пластик тушади
Бу хунук ютуқ инсоният чиқиндиларни утилизация қилиш ва қайта ишлашга етарлича эътибор бермаётгани билан боғлиқ.
Натижада, Тинч океанида Мўғулистон ҳудуди билан солиштириш мумкин бўлган 1,5 миллион квадрат километргача чўзилган "Тинч океанининг буюк ахлат исноди" пайдо бўлди.
Миллиардерлар минглаб долларга бой бўлишади
Масалан, Амазон асосчиси Жефф Безос секундига 3600 доллар ишлаб олади, бу эса унга 177 миллиард доллар бойлик тўплаш имконини берди.
Яна бир таниқли миллиардер Билл Гейтс секундига тахминан 4600 доллар ишлаб топади ва унинг даромади тахминан 130 миллиард долларни ташкил қилади.
Б.Муҳаммадиева тайёрлади.
