Энергия ресурслари учун қарздорлик бўйича суд қарорлари ижроси қандай таъминланяпти?

Мажбурий ижро бюросининг вилоят бошқармаси ва унинг ҳудудий бўлимлари томонидан суд қарорларига асосан энергия ресурслари соҳасидаги қарздорликларни ундириш бўйича тизимли ишлар амалга оширилмоқда.

Мисол учун, Паст Дарғом туманлараро иқтисодий судининг ҳал қилув қарорига асосан «Паст Дарғом М.М.Т.Б»дан ундирувчи «Ҳудудгазтаъминот» АЖ фойдасига 1,9 млрд сўм қарз ундириш белгиланган эди. Олиб борилган ижро чора-тадбирлари натижасида мазкур қарздорлик тўлиқ ундириб берилди.

Маълумот ўрнида: жорий йилнинг ўтган даврида:

- «Ҳудудий электр тармоқлари» АЖ ва унинг ҳудудий корхоналари фойдасига 2 978 та ижро ҳужжати бўйича жами 55,6 млрд сўм;

- «Ҳудудгазтаъминот» АЖ ва унинг ҳудудий корхоналари фойдасига 2 318 та ижро ҳужжати бўйича 44,5 млрд сўм;

- «Сувтаъминот» АЖ ва унинг ҳудудий корхоналари фойдасига 3 024 та ижро ҳужжати бўйича 31,2 млрд сўм;

- «Бошқарув сервис компаниялари» фойдасига 9 994 та ижро ҳужжати бўйича 8,9 млрд сўмлик қарздорликлар ундирилди.

Ижро ҳаракатлари давомида қарздорлардан умумий қиймати 1,2 млрд сўм бўлган мол-мулк қарз эвазига хатланиб, электрон онлайн-аукцион савдоларига чиқарилди ва реализация қилинмоқда.

МИБ вилоят бошқармаси ахборот хизмати.