Energiya resurslari uchun qarzdorlik bo‘yicha sud qarorlari ijrosi qanday ta’minlanyapti?

Majburiy ijro byurosining viloyat boshqarmasi va uning hududiy bo‘limlari tomonidan sud qarorlariga asosan energiya resurslari sohasidagi qarzdorliklarni undirish bo‘yicha tizimli ishlar amalga oshirilmoqda.

Misol uchun, Past Darg‘om tumanlararo iqtisodiy sudining hal qiluv qaroriga asosan «Past Darg‘om M.M.T.B»dan undiruvchi «Hududgazta’minot» AJ foydasiga 1,9 mlrd so‘m qarz undirish belgilangan edi. Olib borilgan ijro chora-tadbirlari natijasida mazkur qarzdorlik to‘liq undirib berildi.

Ma’lumot o‘rnida: joriy yilning o‘tgan davrida:

- «Hududiy elektr tarmoqlari» AJ va uning hududiy korxonalari foydasiga 2 978 ta ijro hujjati bo‘yicha jami 55,6 mlrd so‘m;

- «Hududgazta’minot» AJ va uning hududiy korxonalari foydasiga 2 318 ta ijro hujjati bo‘yicha 44,5 mlrd so‘m;

- «Suvta’minot» AJ va uning hududiy korxonalari foydasiga 3 024 ta ijro hujjati bo‘yicha 31,2 mlrd so‘m;

- «Boshqaruv servis kompaniyalari» foydasiga 9 994 ta ijro hujjati bo‘yicha 8,9 mlrd so‘mlik qarzdorliklar undirildi.

Ijro harakatlari davomida qarzdorlardan umumiy qiymati 1,2 mlrd so‘m bo‘lgan mol-mulk qarz evaziga xatlanib, elektron onlayn-auksion savdolariga chiqarildi va realizatsiya qilinmoqda.

MIB viloyat boshqarmasi axborot xizmati.