MIB 2 million 130 ming AQSh dollariga baholangan binoni auksionga chiqardi

“Milliy bank” tomonidan Samarqand shahridagi “S.T.E.” qo‘shma korxonasiga tadbirkorlikni rivojlantirish uchun kredit ajratilgan. Biroq korxona kredit shartlarini bajarmaganligi sababli 523 ming 138 AQSh dollari miqdorida muddati o‘tgan qarzdorlik yuzaga kelgan.

Samarqand shahar iqtisodiy sudining 2022 yil 14 avgustdagi qaroriga ko‘ra, qarzdorlik undirilib, garovga qo‘yilgan bino va sport kiyimlari, trikotaj, polietilen mahsulotlari ishlab chiqarish texnologiyalariga yo‘naltirilgan. Ammo korxona bundan yetarli xulosa chiqarmagan.

MIB viloyat boshqarmasi korxona rahbarini bir necha bor ogohlantirgan, bank hisob raqamlariga inkasso yuborilgan, mol-mulkka taqiq qo‘yilgan. Qarz to‘lanmagach, garov binosi 2 million 130 ming AQSh dollariga baholanib, onlayn auksionda sotishga chiqarilgan.

Sotuvdan tushgan mablag‘ qarzdorlikni qoplashga yo‘naltiriladi.

Sardor Shakarov,

MIBning viloyat boshqarmasi inspektori.