Ички ишлар вазирининг ўринбосари полковник Муҳиддин Жўраев оммавий сайёр қабуллар ўтказади
Ўзбекистон Республикаси Ички ишлар вазирининг 2019 йил 03 май кунидаги тасдиқланган жадвалига асосан, жорий йилнинг 24 май куни соат 10:00 дан 18:00 гача Пастдарғом тумани Гўзалкент Агросаноат коллежидаги 1-сектор штаби биносида Паст Дарғом, Каттақўрғон, Оқдарё, Иштихон туманлари ва Самарқанд ҳамда Каттақўрғон шаҳар фуқаролари учун;
25 май куни соат 10:00 дан 18:00 гача Нуробод туманидаги 18-сон Мусиқа мактаби биносида Нуробод ва Самарқанд тумани фуқаролари учун Ички ишлар вазирининг ўринбосари полковник Муҳиддин Жўраевнинг оммавий сайёр қабули ўтказилиши режалаштирилган.
Мазкур сайёр қабулларда фуқароларнинг бевосита ички ишлар органлари фаолиятига оид саволлар ва муаммолари билан боғлиқ мурожаатларини ўрганиш белгиланган, деб хабар бермоқда вилоят ИИБ матбуот хизмати.
