Ижтимоий тармоқлардан келиб тушган 150 та мурожаат ижобий ҳал этилди
Айни пайтда кеча бўлиб ўтган сайлов натижаларига бағишланган матбуот анжумани бўлиб ўтмоқда.
Унда Марказий сайлов комиссияси раҳбари Мирза-Улуғбек Абдусаломов сайлов жараёнларида аниқланган камчиликлар ва қайд этилган ҳолатлар бўйича маълумот берди. Унга кўра:
Веб-сайтга келиб тушган 300 тадан ортиқ мурожаатлар қисқа муддатларда кўриб чиқилди ва ҳал этилди.
Шу билан бирга, ижтимоий тармоқлардан келиб тушган мурожаатларнинг 150 таси ҳам ижобий ҳал этилди. Ушбу мурожаатлар бўйича сайловчини бошқа сайлов участкасидан олиб ўз участкасига бириктириш каби ишлар амалга оширилди.
