“Кичик жавоҳирлар” оилавий нодавлат боғчасига талаб катта
Оқдарё туманидаги “Пўлатдархон” маҳалласида ташкил этилган уй боғчада 25 нафар жажжи ўғил-қиз тарбияланмоқда.
– Айни пайтда боғчамизда иккита гуруҳ ташкил этилган, – дейди тадбиркор Мунира Равшанова. – Дарслар илк қадам дастури асосида олиб борилмоқда. Шунингдек, рус ва инглиз тили тўгараклари ҳам ташкил қилинган. Нодавлат боғчага талаб катта бўлмоқда, шунинг учун яқин кунларда яна битта оилавий нодавлат мактабгача таълим муассасасини очишни режалаштиряпмиз.
Маълумот ўрнида, бугунги кунда Оқдарё туманида 31 та оилавий нодавлат боғчалар фаолият кўрсатмоқда.
