Коррупция — миллий юксaлиш кушaндaси

Коррупция – жамиятни турли йўллар билан исканжага олувчи даҳшатли иллатдир. У ҳар қандай давлат ва жамиятнинг сиёсий, иқтисодий, маънавий ривожланишига жиддий путур етказади, давлатнинг конституциявий асосларини ва қонун устуворлигини заифлаштиради, инсон ҳуқуқи ва эркинликларининг поймол бўлишига олиб келади.

Коррупциянинг жамиятни турли йўллар билан исканжага оладиган даҳшатли иллат эканлигини, ундан қутулиш йўллари ҳақида бугун ОAВ бонг урмоқда.

Шунга қарамасдан, бу зарарли иллатга қарши курашда юқори натижага эришилмаяпти. Шубҳасиз, бундай иллатга қарши курашни кучайтириш, унга қарши кескин чора-тадбирлар кўрилмас экан, албатта, унга қарши ҳар биримизда фаол фуқаролик позицияси шаклланмас экан, бу иллат илдиз отаверади.

Келажак бунёдкорлари таҳсил олаётган олий таълим тизимини коррупциядек мудҳиш иллатдан тозалаш - бу эртанги кунимизнинг ишончли авлодига хавф солаётган иллатни бартараф қилмоқдир. Бунг қарши ҳар бир педагог, ёшларимиз бутун онги, билими, соф эътиқоди, дунёқараши ва матонати билан зирхли қалқон вазифасини ўтамоғи лозим.

Aзалдан ҳар қандай ёвга, босқинчига, қолаверса, ички зиддиятларга барҳам бериш йўлида қудратли бўлган халқимиз коррупцияга қарши кураш йўлида ҳам жонбозлик кўрсатишида барча зиёлилар намуна бўлиши шарт.

Мамлакатимиз ва ёшларимиз келажагига дахлдор касб эгалари сифатида коррупция иллатига муросасиз муносабатда бўлиб, унинг салбий оқибатлари тўғрисида тарғибот ишларини нафақат олий таълим муассасасида, бутун жамиятимизда олиб бориш, соғлом маънавий-ахлоқий муҳитни қарор топтириш асосий бурчимиз ва мақсадимиздир.

Султан AҲМЕДОВ,

Самарқанд давлат архитектура-қурилиш институти ректори.