Москва шаҳри ва вилоятида об-ҳавонинг «сариқ» хавфлилик даражаси белгиланди

Тинимсиз ёққан қор, музли ёмғир, кучли музлик туфайли гидрометеорология маркази Москва ва Москва яқинидаги вилоятларда об-ҳавонинг «сариқ» хавфлилик даражасини эълон қилди, дейилади марказ сайтида.

Қайд этилишича, пойтахт ва вилоятларда хавф ҳақида огоҳлантириш 16 февралгача амал қилади.

Домодедово аэропортида рейслар тўхтатилгани боис кутиш залларида юзлаб йўловчилар тўпланиб қолди, дея хабар беради РИА новости. Бир неча кундан буён 100 га яқин рейслар кечиктирилди. Аэропорт маиший хизмат нуқталари йўловчиларга хизмат кўрсатишга улгурмаяпти, ўриндиқлар етишмаяпти.

Аэропорт раҳбарияти рейслар жадвали қачон тикланиши ҳақида маълумот беришмаяпти.