Навоий ҳайкали – зиёрат маскани
Кенагас маҳалласида қад кўтарган ушбу ҳайкал 1991 йил 11 сентябрда барпо этилган. Уни моҳир ҳайкалтарош “Навоий” мукофоти лаурияти Илҳом Жабборов ясаган.
Ушбу йиллар оралиғида ҳайкал бирмунча эскириб, унинг атрофи таъмирга муҳтож ҳолга келиб қолган эди.
Туман ҳокимининг 2019 йил 22 апрелдаги 57 сонли фармойишига биноан 305.495.000 сўм маблағ туман ҳокимлиги захирасидан ажратилиб, ободонлаштириш ишлари бошланди.
“Ургут Бино Сервис” МЧЖ раҳбари Тўлқин Тошев бошчилигидаги ишчи гуруҳи томонидан ободонлаштирилган ушбу маскан бугун кўпчилик келиб зиёрат қиладиган мажмуага айланди. Зеро буюкларга эҳтиром ҳамиша миллий қадриятларимиздан бири бўлиб келган.
