Ўзбекистонга келиб тушган халқаро пул ўтказмалари ҳажми ошди
2020 йилда республикамизга келиб тушган халқаро трансчегаравий пул ўтказмалари ҳажми 6,03 миллиард долларни ташкил этиб, 2019 йилга нисбатан 17 миллион долларга ёки 0,3 фоизга ошди.
Бу ҳақда Марказий банк ахборот хизмати хабар берди.
Чет элга юборилган трансчегаравий пул ўтказмалари миқдори 1,20 миллиард долларга етиб, ўтган йилнинг мос даврига нисбатан 157 миллион долларга ёки 15 фоизга ошди.
Натижада халқаро трансчегаравий пул ўтказмалари бўйича ижобий сальдо 4,83 миллиард долларга етди.
