O‘zbekistonga kelib tushgan xalqaro pul o‘tkazmalari hajmi oshdi
2020 yilda respublikamizga kelib tushgan xalqaro transchegaraviy pul o‘tkazmalari hajmi 6,03 milliard dollarni tashkil etib, 2019 yilga nisbatan 17 million dollarga yoki 0,3 foizga oshdi.
Bu haqda Markaziy bank axborot xizmati xabar berdi.
Chet elga yuborilgan transchegaraviy pul o‘tkazmalari miqdori 1,20 milliard dollarga yetib, o‘tgan yilning mos davriga nisbatan 157 million dollarga yoki 15 foizga oshdi.
Natijada xalqaro transchegaraviy pul o‘tkazmalari bo‘yicha ijobiy saldo 4,83 milliard dollarga yetdi.
