Мамлакатга четдан келиб тушган пул ўтказмалари бўйича маълумот берилди
Марказий банкнинг маълум қилишича, жорий йил январь-ноябрь давомида Ўзбекистонга келиб тушган трансчегаравий пул ўтказмалари ҳажми $5,44 миллиард долларни ташкил этиб, ўтган йилнинг мос даврига нисбатан $85 миллион долларга ёки 2 фоизга камайди.
Чет элга юборилган трансчегаравий пул ўтказмалари миқдори эса $1,08 миллиард долларга етиб, ўтган йилнинг мос даврига нисбатан $119 миллион долл ёки 12 фоизга ошди.
Натижада трансчегаравий пул ўтказмалари бўйича ижобий сальдо $4,36 миллиард долларга етди.
