Қирғизистонда парламент сайловлари бошланди

2,5 мингга яқин сайлов участкаси очилди, деб хабар берди Марказий сайлов комиссияси.

“Соат 8:00 да (Тошкент вақти билан 7:00) барча сайлов участкалари очилди”, деди МСК вакили.

Овоз беришда Қирғизистон президенти Садир Жапаров аллақачон иштирок этган. МДҲ Парламентлараро Ассамблеяси кузатувчилар гуруҳи координатори, Ўзбекистон Олий Мажлиси Сенати аъзоси Қутбидин Бурхонов таъкидлаганидек, сайлов тинч ўтмоқда, сайлов кунигача кузатувчиларга жиддий шикоятлар келиб тушмаган.

Автоматик сайлов қутилари ҳисобига кўра, сайлов участкаларининг қарийб 95 фоизида овоз бериш тугаганидан кейин яқин бир неча соат ичида натижа маълум бўлади. Бироқ МСК якуний натижаларни фақат овозларни қўлда санаб чиққандан кейингина эълон қилади.

Қирғизистон парламентининг еттинчи чақириқ сайловлари илк бор аралаш тизим бўйича ўтказилмоқда. 54 мандат учун номзодлар партия рўйхати бўйича, парламентдаги яна 36 та ўрин учун – бир мандатли сайлов округлари бўйича номзодлар курашмоқда. 2020 йил октябрь ойида бўлиб ўтган аввалги сайловлар натижалари МСК томонидан республикада президент Сооронбай Жеенбековнинг истеъфога чиқишига сабаб бўлган тартибсизликлар фонида бекор қилинган эди.