Қонунийликни таъминлаш ва коррупцияга қарши курашиш бўйича доимий комиссия ташкил этилди

Бугун халқ депутатлари Самарқанд вилояти Кенгашининг олтмиш тўртинчи сессияси бўлиб ўтди.

Унда Кенгашнинг Қонунийлик, ҳуқуқ-тартибот ва фуқаролар хавфсизлигини таъминлаш масалалари бўйича доимий комиссия негизида Қонунийликни таъминлаш ва коррупцияга қарши курашиш бўйича доимий комиссия ташкил этилди.

20-Халқабод сайлов округидан депутат Толиббой Эшманов номзоди комиссия раислигига, 31-Лойиш сайлов округидан депутат Султон Аҳмедов номзоди комиссия котиблигига тасдиқланди.

Шунингдек, 36-Пайариқ сайлов округидан депутат Бахтиёр Хўжаёров, 13-Килдон сайлов округидан депутат  Фарид Бурхонов, 19-Иштихон сайлов округидан депутат Бахтиёр Эргашев, 59-Жўш сайлов округидан депутат  Абдуҳаким Мардиев, 56-Жозмон сайлов округидан депутат Моҳира Ўтаева номзоди комиссия аъзолари этиб сайланди.

(Сессия тафсилотлари билан кейинроқ танишасиз)