“Қоратепа-Самарқанд” йўналишида автобус қатнови қайта тикланиши қуруқ ваъда эдими?
17 июль куни телеграм каналимизда “Қоратепа-Самарқанд” йўналишида автобус нега қатнамай қўйди?” сарлавҳали мурожаат эълон қилинган эди.
Мурожаатдан сўнг вилоят транспорт бошқармаси «Автотранс Ургут» МЧЖ томонидан август ойидан 445 рақамли «Сиёб АББ-Омонқўтон қишлоғи» шаҳар атрофи автобус йўналишида транспорт воситаларининг қатнови қайта тикланишини маълум қилди.
Мана, август ойи ҳам чиқди. Бироқ ҳалигача автобус қатнови тикланмагани боис, йўловчилар ҳамон киракаш ҳайдовчилар ўрнатган "қатъий тартиб" бўйича шаҳарга бориб-келмоқда.
Ушбу йўналишда автобус қатнови қайта тикланиши ёлғон ваъда эдими?
