Qo‘shrabot tumani davlat sanitariya-epidemiologiya nazorati markazi binosini qurish va ta’mirlashdagi talon-torojlik fosh etildi

Departamentning Samarqand viloyat boshqarmasi tumandagi “O.S.” mas’uliyati cheklangan jamiyati tomonidan Qo‘shrabot tumani davlat sanitariya-epidemiologiya nazorati markazidagi qurilish ishlari bo‘yicha tergovga qadar tekshiruv o‘tkazdi.

Tekshiruv davomida jamiyat rahbari va boshqalarning tuman davlat sanitariya-epidemiologiya nazorati markazi binosida amalga oshirilgan qurilish ishlarida hisob-fakturalarga amalda bajarilmagan ishlarni qo‘shib yozish orqali 281,2 million so‘m byudjet mablag‘ini talon-toroj qilganliklari aniqlangan.

Mazkur holat yuzasidan jamiyat rahbari va boshqalarga nisbatan Jinoyat kodeksining 167-moddasi 3-qismi bilan jinoyat ishi qo‘zg‘atilib, tergov harakatlari o‘tkazilmoqda.

Bosh prokuratura huzuridagi Iqtisodiy jinoyatlarga qarshi kurashish departamenti viloyat boshqarmasi axborot xizmati.