Қозоғистон парламенти қуйи палатаси раиси истеъфога чиқди
Мурат Нуртлеу Қозоғистон президенти маъмуриятининг янги раҳбари этиб тайинланди
Қозоғистон парламенти қуйи палатаси (мажилис) спикери Нурлан Нигматулин депутатлик ваколатларини тарк этиш тўғрисида ариза билан мурожаат қилди, дейилади республика Марказий сайлов комиссияси хабарида.
Аввалроқ президент Қосим-Жомарт Токаев Қозоғистон Марказий сайлов комиссияси раҳбари, мамлакат биринчи президенти Нурсултон Назарбоевнинг қизига совчи бўлган Берик Имашевни ишдан бўшатган эди.
Нигматулин 2012 йилдан буён парламент қуйи палатасига икки йиллик танаффус билан раҳбарлик қилди. 2014-2016 йилларда у президент маъмуриятини бошқарган. Бундан ташқари, Нигматулин “Нур Отан” партияси фракцияси раҳбари лавозимида ишлаган. Собиқ депутат 31 январь куни янгиланган партия сиёсий кенгаши бюроси таркибига киритилмаган.
Қозоғистонда бир қатор ишдан бўшатиш ва ҳибсга олишлар январь ойида суюлтирилган газ нархининг икки баравар ошиши сабаб бўлган оммавий тартибсизликлардан сўнг бошланди. Норозилик ҳаракатлари тезда қирғин-баротга айланди, талончилар фаоллашди, улар маъмурий бино ва политция участкаларига бостириб киришди.
Токаев содир бўлаётган воқеаларни террорчилик таҳдиди деб атади ва ёрдам сўраб КХШТга мурожаат қилди. Шунингдек, у ҳукуматни истеъфога чиқарди ва янги вазирлар маҳкамасини тузди. Шу билан бирга, аввалроқ мамлакат биринчи президенти Нурсултон Назарбоев бошқарган Хавфсизлик кенгашини Токаевнинг ўзи бошқара бошлади. Кейинроқ Сенат Назарбоевнинг Қозоғистон Халқ Ассамблеяси ва Хавфсизлик Кенгашига умрбод раислик қилишини бекор қилувчи тузатишларни маъқуллади.
Токаев Стратегик режалаштириш ва ислоҳотлар агентлиги Миллий статистика бюроси раҳбари Нурболат Аидапкеловни ишдан бўшатди. Миллий хавфсизлик қўмитасининг собиқ раҳбари Карим Масимов ва унинг икки ўринбосари ватанига хиёнатда гумон қилиниб, ҳибсга олинди. Январь ойида ҳам собиқ энергетика вазири Жумбай Карагаев ҳибсга олинган эди.
1 февраль куни Қозоғистон президенти бунгача республика Миллий хавфсизлик қўмитаси (МХҚ) раисининг биринчи ўринбосари лавозимида ишлаб келган Мурат Нуртлеуни ўз маъмурияти раҳбари этиб тайинлаш ҳақидаги фармонни имзолади, деб хабар берди давлат раҳбари матбуот хизмати.
