Роналду ҳам коронавирус туфайли карантинга олинди
“Ювентус” клуби футболчиси Криштиану Роналду карантинга олинди. Бу ҳақда Daily Mail хабар бермоқда.
Бунга сабаб жамоа ҳимоячиси Даниэле Руганида коронавирус аломатлари аниқланган ва карантинга олинган.
Эслатиб ўтамиз, Хитой ҳукумати 2019 йил 31 декабр куни Жаҳон соғлиқни сақлаш ташкилотига (ЖССТ) мамлакатнинг марказий қисмидаги (Хубэй провинцияси) Ухань шаҳрида келиб чиқиши номаълум пневмония касаллиги ҳақида хабар берган эди.
Коронавирус 100 дан зиёд мамлакатда қайд этилган. Жанубий Корея, Япония, Италия ва Эронда вируснинг авж олиши кузатилмоқда.
Охирги маълумотларга кўра, бугунга қадар вирусдан 4,5 мингдан ортиқ киши вафот этди, 68 минг киши кассалликни енгди.
