Россияда таҳсил олаётган 200 нафарга яқин талаба юртимизга олиб келинди
Президент Шавкат Мирзиёевнинг топшириғига биноан Россия Федерациясининг Новосибирск шаҳри орқали 200 га яқин ўзбекистонлик талаба чартер рейс орқали юртимизга олиб келинди.
Ислом Каримов номидаги Тошкент халқаро аэропортида талабалар санитария қоидаларига кўра текширувдан ўтди. Уларнинг юклари ҳам тегишли тартибда дезинфекция қилинди.
ЎзА хабарига кўра, Томск шаҳри Сибир федерал округида таҳсил олаётган бу талабалар соғлиғини сақлаш мақсадида ўрнатилган тартибда карантинга олинади. Сўнгра оиласи бағрига қайтади.
