Samarqand shahri va yana ikkita tuman hokimlariga o‘rinbosar tayinlandi
Samarqand shahar hokimining qaroriga asosan Hayitov Orif Boliqulovich shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlandi.
O.Hayitov shu paytgacha Samarqand davlat arxitektura-qurilish instituti yoshlar masalalari va ma’naviy-ma’rifiy ishlar bo‘yicha prorektori bo‘lib ishlagan.
Besh yildan buyon Urgut tumanidagi 97-umumiy o‘rta ta’lim maktabida direktor bo‘lib ishlab kelayotgan Eshonqulov Asqar Matlabovich Urgut tumani hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari etib tayinlandi.
Yavqacheva Nilufar Mahmudovna esa Ishtixon tumani hokimining aynan shu masalalar bo‘yicha o‘rinbosarligiga tayinlandi.
N.Yavqacheva shu paytgacha Ishtixon tumani mahalla va oilani qo‘llab-quvvatlash bo‘limi boshlig‘ining birinchi o‘rinbosari - tuman hokimining xotin-qizlar masalalari bo‘yicha maslahatchisi bo‘lib ishlagan.
