Самарқанд шаҳрида 59 туп дарахтнинг ости бетон билан қоплангани аниқланди
Самарқанд шаҳар Экология, атроф-муҳитни муҳофаза қилиш ва иқлим ўзгариши бўлими давлат инспекторлари томонидан жойларда олиб борилган назорат рейд тадбирлари жараёнида, айрим тадбиркорлик субъектлари томонидан ўз ҳудудидаги манзарали дарахтларга реклама ва эълонлари баннерларини илганлик ҳолати ва остки қисми бетон қопламаси билан тўсиб қўйилганлиги аниқланган.
Вилоят Экология бошқармаси хабарига кўра, ўтган 20 кун давомида Самарқанд шаҳридаги 59 туп дарахтлар остидан бетон қопламалари олиб ташланган бўлса, 91 туп дарахтларда ўрнатилган реклама эълонлари, электр мосламалари олиб ташланган.
Шунингдек, келгусида шунга ўхшаш ҳолатлар кузатилса қонунда белгиланган тартиб нормаларга мувофиқ маъмурий жавобгарликка тортилиши мумкинлиги тўғрисида огоҳлантиришлар берилган.
