Самарқанд туманида икки кунда 5 та ноқонуний чиқиндихона аниқланган
Вилоят экология, атроф-муҳитни муҳофаза қилиш ва иқлим ўзгариши бошқармаси хабарига кўра, шу кунларда ноқонуний чиқиндихоналар бўйича назорат кузатув рейд тадбирлари олиб борилмоқда.
Тадбир давомида Самарқанд тумани ҳудудида номаълум шахслар томонидан кундалик турмушда ҳосил бўлган маиший ва қаттиқ чиқиндиларни ташлаб кетиши оқибатида пайдо бўлган ноқонуний чиқиндихоналар бартараф этилган.
Ўтган икки кун мобайнида 5 та ҳолат аниқланиб, бартараф этилган.
