Самарқанд ва Тошкент ўртасида қўшимча “Афросиёб” поезди қатнайди
"Temiryo'lekspress" АЖ ахборот хизмати хабар беришича, "Самарқанд—Тошкент—Самарқанд" йўналишида “Афросиёб” электропоездининг қўшимча ҳаракати йўлга қўйилади.
Маълум қилинишича, ушбу йўналишдаги қўшимча поезд йўловчиларга қулайлик яратиш мақсадида 15-31 декабрь кунлари ҳамда 2025 йилнинг 3-12 январь кунлари оралиғида ҳафтанинг жума, шанба ва якшанба кунлари амалга оширилади.
Поезд жадвали қуйидагича:
775-сонли "Самарқанд—Тошкент" йўналиши: Самарқанддан жўнаш соат 10:55 да — Тошкентга етиб бориш соат 13:15 да.
776-сонли "Тошкент—Самарқанд" йўналиши: Тошкентдан жўнаш соат 13:56 да — Самарқандга етиб бориш соат 16:14 да.
