Самарқанд вилоятида нега айрим кичик саноат зоналари суст ишламоқда?
Вилоятимизда 14 ҳудудда 19 та кичик саноат зонаси ташкил этилиб, 115,8 гектар ер майдони ажратилган. Бироқ, кичик саноат зоналари салоҳиятидан самарали фойдаланиш ҳамда маъқулланган лойиҳаларни ишга тушириш бўйича ишлар суст олиб борилмоқда.
Жумладан, Самарқанд шаҳар "Вакцина" илмий ишлаб чиқариш бирлашмаси, Оқдарё тумани "Даҳбед" муқобил машина трактор парки ҳамда Нарпай туман Тепа маҳалласида ташкил этилган кичик саноат зоналар учун ҳозирга қадар бош режалар тасдиқланмаган.
Кичик саноат зонаси маъмурий кенгаши томонидан қиймати 71,2 млн. АҚШ долларлик 103 та лойиҳа маъқулланган ва улар 46,8 гектар майдонга жойлаштирилган, лекин 69 гектар майдонга таклифлар киритилмаган.
