Самарқанддаги бешта туманда ақлли газ ҳисоблагичлар ўрнатиш якунига етди
Бу ҳақда «Ҳудудгаз Самарқанд» газ таъминоти филиали хабар бермоқда. Унга кўра, Оқдарё, Иштихон, Каттақўрғон, Нуробод Ургут туманларида яшовчи табиий газ истеъмолчилари хонадонларига “ақлли” ҳисоблагичлар ўрнатиб бўлинган.
Шунингдек, хабарда ҳисоблагичлар ўрнатиш даврида уйида бўлмаган ёки маълум бир сабабларга кўра, уйда хеч ким яшамаётганлиги туфайли “ақлли” ҳисоблагичлар ўрнатилмай қолиб кетган хонадонлар бўлса, 15 август санасига қадар “Ҳудудгаз Самарқанд” газ таъминоти филиалининг туман бўлимларига мурожаат қилишлари мумкинлиги айтилган.
Маълумот учун, ҳозирга қадар вилоят миқёсида 249 479 та истеъмолчилар хонадонига “ақлли” газ ҳисоблагичлари ўрнатилган.
