Самарқанддаги колонияда жазо муддатини ўтаётган маҳкум тантанали тарзда никоҳдан ўтди
Самарқанд шаҳридаги 38-сонли манзил колониясида жазо муддатини ўтаётган С.Қ.га ўз эзгу ниятини амалга ошириш учун жазо муддатини ўтаётгани ҳам халал бермади. "Гап - ниятда", деб шунга айтишса керак.
У 2-сон ФҲДЁ бўлимига қонуний никоҳдан ўтиш мақсадида амалий ёрдам сўраб, мурожаат қилган. Унинг мурожаати ижобий ҳал қилиниб, фуқаролик ҳуқуқи таъминланган.
“Адашганларга хатоларини тўғрилаш учун имконият бериш халқимизга хос эзгу хислат ҳисобланади. Бу қадрият қонунчилигимизда ҳам ўз аксини топган.
Маҳкумнинг никоҳи ўзи жазо муддатини ўтаётган манзил колониясида Самарқанд шаҳар 2-сон ФҲДЁ бўлими томонидан тантанали равишда қайд қилинди ҳамда оилага никоҳ тузилганлиги тўғрисидаги гувоҳнома топширилди” дейилади Давлат хизматлари агентлиги ахборот хизматининг Zarnews`га тақдим этган маълумотида.
