Самарқанддан Измирга ҳам авиарейс очилмоқда
«Ўзавиация» агентлиги Туркиянинг «SunExpress» авиакомпаниясига Ўзбекистонга парвозларни амалга ошириш учун рухсатнома берган. Бу ҳақда агентлик матбуот хизмати хабар бермоқда.
Мунтазам авиақатновлар Измир-Самарқанд-Измир йўналишида, Boeing-737 самолётларида амалга оширилади.
Аввалроқ «Ўзавиация» агентлиги Россиянинг «Победа» авиакомпаниясига Ўзбекистонга янги рейслар — Екатеринбург – Самарқанд – Екатеринбург ва Новосибирск–Самарқанд-Новосибирск йўналишларида мунтазам авиарейслар учун рухсатнома берганди.
Шунингдек, Россиянинг “УВТ Аэро” авиакомпанияси Татаристон пойтахти Қозондан Самарқандга мунтазам авиақатновларни қачон бошлаши маълум қилинганди.
