Samarqanddan Izmirga ham aviareys ochilmoqda
«O‘zaviatsiya» agentligi Turkiyaning «SunExpress» aviakompaniyasiga O‘zbekistonga parvozlarni amalga oshirish uchun ruxsatnoma bergan. Bu haqda agentlik matbuot xizmati xabar bermoqda.
Muntazam aviaqatnovlar Izmir-Samarqand-Izmir yo‘nalishida, Boeing-737 samolyotlarida amalga oshiriladi.
Avvalroq «O‘zaviatsiya» agentligi Rossiyaning «Pobeda» aviakompaniyasiga O‘zbekistonga yangi reyslar — Yekaterinburg – Samarqand – Yekaterinburg va Novosibirsk–Samarqand-Novosibirsk yo‘nalishlarida muntazam aviareyslar uchun ruxsatnoma bergandi.
Shuningdek, Rossiyaning “UVT Aero” aviakompaniyasi Tatariston poytaxti Qozondan Samarqandga muntazam aviaqatnovlarni qachon boshlashi ma’lum qilingandi.
